Cambio di Estatuto di Reino Hulandes ta ensera cambionan den structura pa Curacao y Sint Maarten tambe bira Pais den Reino Hulandes y consequentemente Antiyas Hulandes lo stop di existi.
E cambionan lo conta pa Reino henter, cual Aruba como Pais tambe ta forma parti di dje. Dia 3 di september 2010 Parlamento di Aruba a aproba e cambionan cu ta nifica cu Aruba como partner den Reino Hulandes a bay di acuerdo cu e cambionan.
Partido MEP y un grupo grandi di ciudadanonan no ta diacuerdo cu e decision. Mirando cu tin desacuerdonan, ta recomendabel pa bin cu un Referendum pa asina Pueblo di Aruba mes expresa directamente loke ta su deseo.
Pa un Referendum por ta mas democratico posibel, mester sigura cu Pueblo ta wordo informa debidamente kico e cambionan di Estatuto di Reino Hulandes ta ensera, y tambe ta bon pa Pueblo di Aruba sa kico e posicion di cada partido politico ta pa loke ta trata e cambionan.
Loke ta sigui aki bou ta informacion concreto cu Pueblo mes por lesa y informa su mes mas pa asina forma un mihor base democratico pa e Referendum cu lo bin cune si logra via e firmanan cu ta wordo colecta actualmente.
Pueblo di Aruba, click e siguiente nota y ser informa:
Wijziging van het Statuut voor het Koninkrijk der Nederlanden in verband met de wijziging van de staatkundige hoedanigheid van de eilandgebieden van de Nederlandse Antillen (Rijkswet wijziging Statuut in verband met de opheffing van de Nederlandse Antillen)
